സേനാപതി
ഗ്രാമ പഞ്ചായത്ത്

സേനാപതി കേരളത്തിന്റെ കിഴക്കൻ അതിരിൽ പശ്ചിമഘട്ടത്തിന്റെ താഴ്വാരത്ത് സ്ഥിതി ചെയ്യുന്ന മനോഹരമായ കാർഷിക ഗ്രാമമാണ്. ഏലമലകൾ, നെൽപ്പാടങ്ങൾ, കാപ്പി, കുരുമുളക്, പച്ചക്കറി കൃഷികൾ എന്നിവ ഈ പ്രദേശത്തിന്റെ സമൃദ്ധി വിളിച്ചോതുന്നു. സ്വർഗംമേട്, കാറ്റൂതിമേട്, കുത്തുങ്കൽ ജലപാതം, മലമുകളിലെ കുളങ്ങൾ തുടങ്ങിയ പ്രകൃതി ഭംഗികൾ വിനോദസഞ്ചാര ആകർഷണങ്ങളാണ്. പൂഞ്ഞാർ രാജകുടുംബവുമായി ബന്ധപ്പെട്ട ഐതിഹ്യങ്ങളാലാണ് “സേനാപതി” എന്ന പേര് രൂപപ്പെട്ടത്. ആദിവാസി സമൂഹങ്ങളുടെ പുരാതന വാസസ്ഥലമായിരുന്ന ഇവിടെ പിന്നീട് തിരുവിതാംകൂറിലെയും കൊച്ചിയിലെയും കുടിയേറ്റ കർഷകർ എത്തിപ്പാർത്തു. കൃഷിയാണ് ഇവിടുത്തെ പ്രധാന ഉപജീവന മാർഗം; കുരുമുളക്, ഏലം, നെല്ല്, കാപ്പി എന്നിവ പ്രധാന വിളകളാണ്. മഴയെ ആശ്രയിച്ചുള്ള കൃഷിരീതിയും മലഞ്ചരിവുകളിലെ കൃഷിഭൂമികളും സേനാപതിയുടെ പ്രത്യേകതയാണ്. വിദ്യാഭ്യാസവും സാംസ്കാരിക പുരോഗതിയും കാലക്രമേണ വളർന്നു. മതസൗഹാർദ്ദവും സാമൂഹിക ഐക്യവും നിലനിൽക്കുന്ന...